Azərbaycanda kənd təsərrüfatı məhsullarının həcmi artıb

2025-ci ilin yanvar-avqust aylarında Azərbaycanda kənd təsərrüfatı məhsullarının ümumi istehsalı əvvəlki ilin eyni dövrü ilə müqayisədə 8,9% artıb, Dövlət Statistika Komitəsi bildirib.

Komitənin ilkin məlumatına əsasən, bitkiçilik məhsullarında artım 8,1%, heyvandarlıq məhsullarında isə 9,6% təşkil edib. Təkcə avqust ayında kənd təsərrüfatı məhsulları əvvəlki aya nisbətən 0,2% azalıb, lakin 2024-cü ilin avqust ayına nisbətdə 8,3% artıb.

Meşə təsərrüfatı məhsullarında səkkiz ayda artım 2,5%, balıqçılıq məhsullarında isə 1,6% olub.

Rəsmi məlumatda qeyd olunub ki, məhsul istehsalında artım əsasən hava şəraiti və istehsal zəncirində sabitliklə əlaqələndirilir.

Gülnar