Azərbaycanda bəzi ödənişli tələbələr dövlət sifarişinə keçiriləcək – DİM sədri

Yaxın günlərdə bakalavriat səviyyəsi üzrə dövlət sifarişi ilə boş qalan yerlərə yenidən yerləşdirmə aparılacaq və bir sıra ödənişli əsaslarla təhsil alan tələbələr təhsillərini dövlət hesabına davam etdirəcək. Bu barədə Dövlət İmtahan Mərkəzinin (DİM) sədri Məleykə Abbaszadə jurnalistlərə açıqlamasında bildirib.

“Elm və Təhsil Nazirliyi ilə razılaşma əsasında boş qalan dövlət sifarişli yerlərə tələbələrin yenidən yerləşdirilməsi aparılacaq”, –  Abbaszadə qeyd edib.

O bildirib ki, bəzi ixtisaslar üzrə müsabiqə vəziyyəti yüksək olsa da, kənd təsərrüfatı kimi sahələrdə boş plan yerləri qalır. Nazirliklə razılaşdırılmış mexanizm əsasında həmin yerlərə əlavə yerləşdirmə planlaşdırılır.

Aytac