3 990 azərbaycanlı itkin düşmüş şəxs kimi qeydiyyata alınıb - Əli Nağıyev

Azərbaycada müharibə illərində 3 990 nəfər itkin düşmüş şəxs kimi qeydiyyata alınıb, onlardan 3 984-ü Birinci Qarabağ müharibəsi, 6-sı isə 2020-ci il Vətən müharibəsi dövrünə aiddir. Bunu Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının rəhbəri Əli Nağıyev bildirib.

Nağıyevin sözlərinə görə, 11 mindən artıq donordan bioloji nümunələr toplanıb, onlardan 187-nin nəşi ailələrinə təhvil verilib. 

Axtarışlar nəticəsində 800-ə yaxın meyit qalıqları aşkarlanıb, işğaldan azad edilmiş ərazilərdə 29 kütləvi məzarlıq müəyyən edilib.

O qeyd edib ki, 2025-ci ilin avqustunda Vaşinqtonda paraflanmış sülh sazişi layihəsinin 9-cu maddəsi Prezident İlham Əliyevin təşəbbüsü ilə itkin düşmüş şəxslərin taleyinin müəyyən edilməsinə həsr olunub və Ermənistanla məlumat mübadiləsi bu sahədə yeni imkanlar yaradır.

N.Təbrizli