Texnologi proseslər dövlətlərin milli gündəliyinin əsasını təşkil edir - İlqar Musayev

Hazırda dünyada gedən texnoloji proseslər dövlətlərin milli gündəminin əsas istiqamətlərindən birinə çevrilib. Bunu Azərbaycan Respublikası Xüsusi Rabitə və İnformasiya Təhlükəsizliyi Dövlət Xidmətinin rəisi, general-leytenant İlqar Musayev Bakıda keçirilən “Critical Infrastructure Defence Challenge 2025” (CIDC-2025) tədbirində deyib.

 Musayevin sözlərinə görə, enerji, səhiyyə təhsil və digər sistemlərinin rəqəmsallaşması onları kiberməkanda potensial hədəfə çevirir. 

O qeyd edib ki, bu gün keçirilən konfransda 20 yerli və 5 xarici komanda kibertəhlükəsizlik üzrə bilik və bacarıqlarını nümayiş etdirir.

“Bu tədbir yalnız yarış xarakteri daşımır, həm də kibertəhlükəsizlik sahəsində təcrübə və biliklərin paylaşılması üçün platformadır,” — Musayev vurğulayıb.

Xüsusi Rabitə və İnformasiya Təhlükəsizliyi Dövlət Xidməti son illərdə milli informasiya təhlükəsizliyi sisteminin modernləşdirilməsi, dövlət qurumlarında kibermüdafiə qabiliyyətlərinin gücləndirilməsi və beynəlxalq əməkdaşlığın genişləndirilməsi istiqamətində fəaliyyət göstərir. 

Azərbaycanda ikinci dəfə “Critical Infrastructure Defence Challenge 2025” (CIDC-2025) kiberfestivalı keçirilir. Konfransda daxili işlər naziri Vilayət Eyvazov və bir sıra rəsmilər iştirak edir.

Gülnar Nazimqızı