Süni intellekt genişləndikcə fərdlər üçün kiberrisklər yaranır

Azərbaycanda süni intellekt texnologiyalarının genişlənməsi fərdlər üçün yeni kibertəhlükəsizlik riskləri yaradır. Bunu  Elektron Təhlükəsizlik Xidmətinin rəisi Fərid Zeynalov deyib.

Onun sözlərinə görə, bu risklərin azaldılması üçün yalnız maarifləndirmə deyil, həm də qanunvericilik səviyyəsində tədbirlərə ehtiyac var.

“Süni intellekt vasitəsilə yaradılan risklər əsasən şəxslər üzərində olur. Bununla bağlı müəyyən addımlar atılmalıdır. Hazırda maarifləndirmə işləri aparılır, lakin qanunvericilik istiqamətində də işlər görmək lazımdır,” – Zeynalov Bakıda keçirilən “Critical Infrastructure Defence Challenge 2025” (CIDC-2025) tədbirində deyib.

O əlavə edib ki, süni intellektin tətbiqi sahəsində etik və hüquqi çərçivələrin müəyyənləşdirilməsi, fərdi məlumatların qorunması və ictimai təhlükəsizlik baxımından vacibdir.

Gülnar Nazimqızı