Oktyabrın 9-da əlli bir cinayətin üstü açılıb

Oktyabrın 9-da ölkə üzrə qeydə alınan 51 yeni cinayətin və əvvəlki dövrlərdən bağlı qalan 2 cinayətin açılması təmin olunub. Bu barədə Daxili İşlər Nazirliyinin (DİN) Mətbuat Xidmətinin məlumat yayıb. 

Gün ərzində axtarışda olan ümumilikdə 56 nəfər, o cümlədən borclu şəxs kimi axtarışda olan 38 nəfər saxlanılaraq aidiyyəti üzrə təhvil verilib.

Əməliyyat tədbirləri zamanı narkotiklərlə əlaqəli 15 fakt, həmçinin qanunsuz saxlanılan silah-sursatla bağlı 10 hadisə müəyyən olunub.

Cinayət törətməkdə şübhəli bilinən 46 nəfər saxlanılıb.

Aytac