"Sputnik Azərbaycan"ın rəhbəri İqor Kartavıx azad edilib

Bakıda saxlanılan Sputnik Azərbaycan informasiya agentliyinin icraçı direktoru İqor Kartavıx azad edilib. Bu barədə məlumatı Rusiya prezidentinin köməkçisi Yuri Uşakov “Kommersant” qəzetinin xüsusi müxbiri Andrey Kolesnikova verib.

Uşakovun sözlərinə görə, Kartavıxın sərbəst buraxılması məsələsi prezidentlərin köməkçiləri səviyyəsində aparılan danışıqlar nəticəsində həll olunub. O bildirib ki, məsələ bilavasitə Azərbaycan Prezidentinin köməkçisi Hikmət Hacıyev ilə birgə müzakirə edilib və Vladimir Putinlə İlham Əliyevin Düşənbədə baş tutacaq görüşü ərəfəsində qərarlaşdırılıb.

Rusiya tərəfi, öz növbəsində, Rusiya ərazisində saxlanılan Azərbaycan vətəndaşlarından birini azad edib. Həmin şəxsin adı və saxlanılma səbəbi barədə məlumat açıqlanmayıb.

Kartavıx bir müddət əvvəl Bakıda hüquq-mühafizə orqanları tərəfindən saxlanılmışdı. 

Sputnik Azərbaycan Rusiya dövlət xəbər agentliyi “Rossiya Seqodnya”ya məxsusdur və həm informasiya siyasəti, həm də Kremlə yaxınlığı baxımından həssas media strukturu sayılır.

Gülnar