FHN: Ötən həftə 211 yanğına çıxış olub, 5 nəfərin meyiti aşkarlanıb

Ötən həftə ərzində Fövqəladə Hallar Nazirliyinin (FHN) qurumları tərəfindən ölkə üzrə ümumilikdə 211 yanğına müdaxilə edilib. Bu barədə nazirlik açıqlama yayıb.

7 gün ərzində daxil olan zənglər əsasında 28 halda köməksiz vəziyyətdə qalma, 7 avtonəqliyyat qəzası və 1 partlayış hadisəsi ilə bağlı da qəza-xilasetmə əməliyyatları həyata keçirilib.

FHN bildirir ki, görülmüş operativ tədbirlər nəticəsində 13-ü azyaşlı olmaqla 41 nəfər xilas edilib, 5 nəfər xəsarət alıb, 5 nəfərin meyiti isə aidiyyəti üzrə təhvil verilib.

Nazirlik əlavə edib ki, yanğınların qarşısının alınması və insan həyatının xilas edilməsi məqsədilə təcili və təxirəsalınmaz tədbirlər vaxtında görülüb.