Təhsil üçün görülən işlər müsbət nəticələr verir - Bahar Muradova

Son illərdə Azərbaycanda təhsilin inkişafı və əlçatanlığının artırılması istiqamətində görülən işlər əhəmiyyətli nəticələr verir. Bu barədə Ailə, Qadın və Uşaq Problemləri üzrə Dövlət Komitəsinin sədri Bahar Muradova
Bakıda keçirilən "Azərbaycanın Dayanıqlı İnkişaf Naminə Təhsilə İnvestisiya" mövzusunda 7-ci DİM dialoqu forumunda bildirib.


Muradovanın sözlərinə görə, indiyədək 3 minədək qız interaktiv müzakirə və təhsil layihələrinə cəlb olunub, 34 şəhid xanıma isə təhsil dəstəyi göstərilib.

O vurğulayıb ki, bu layihələr regionlarda sosial ədalətin bərpasına və qadınların cəmiyyətə inteqrasiyasına töhfə verir.

“Azərbaycan son illər təhsilin inkişafına, xüsusilə də təhsilin əlçatanlığına böyük diqqət yetirir. Müharibələr və iqlim böhranı kimi qlobal çağırışlar fonunda təhsilə sərmayə ən vacib nəticələri gətirəcək,” –  Muradova qeyd edib.

Komitə sədri əlavə edib ki, qurum müxtəlif dövlət və ictimai təşkilatlarla əməkdaşlıq çərçivəsində qızların təhsildən yayınmasının qarşısını almağa, həmçinin rəqəmsal təhsilin genişləndirilməsinə yönəlmiş təşəbbüsləri davam etdirir.


Gülnar Nazimqızı