Gəncədə un fabrikində yanğın baş verib

Gəncə şəhərində yanğın hadisəsi qeydə alınıb.

APA-nın məlumatına görə, hadisə şəhərin Nizami Gəncəvi prospektində yerləşən “Araboğlu” un fabrikində baş verib.

İlkin məlumatlara əsasən, yanğın fabrikin zirzəmisində başlayıb. Əraziyə dərhal Fövqəladə Hallar Nazirliyinin yanğınsöndürən texnikası və canlı qüvvəsi cəlb olunub.

Hazırda yanğının söndürülməsi istiqamətində işlər davam etdirilir.