Bakının Xətai rayonunda yaşayış binalarını kütləvi şəkildə qurd basıb - Video

Bakının Xətai rayonu, General Şıxlinski küçəsində yerləşən çoxmənzilli yaşayış binalarda həşəratların kütləvi şəkildə artması yerli sakinlərin narahatlığına səbəb olub. Sakinlər bildirirlər ki, artıq üç aydır həyətlərdə, bloklarda və mənzillərin içərisində qurd və digər həşəratlar müşahidə olunur.

Şikayətlər əsasən mənzil istismar sahələri və yerli qurumlara edilsə də, sakinlərin sözlərinə görə, bu günə qədər heç bir tədbir görülməyib.

Məsələ ilə bağlı Bakı Şəhər Yaşıllaşdırma Təsərrüfatı Birliyi bildirib ki, qeyd edilən ünvandan quruma hər hansı rəsmi müraciət daxil olmayıb. Qurumun açıqlamasına görə, yaxın günlərdə ərazidə baxış keçiriləcək və mütəxəssislər tərəfindən dezinfeksiya işləri aparılacaq.

Qurum həmçinin qeyd edib ki, bu cür halların yay mövsümündə daha çox müşahidə olunması mövsümi xarakterli problem olduğunu göstərir.