Deputatdan həmkarına: Mənə saxtakar dedi - Video

Milli Məclisin deputatı Siyavuş Novruzov Azərbaycan Respublikasının müstəqilliyinin bərpasına dair tarixi qərarın qəbulunda səsvermə məsələsinə toxunaraq, bununla bağlı həmkarı deputat Tənzilə Rüstəmxanlıya irad bildirilib. 

“Müstəqilliyə 271 nəfər səs verib. Tənzilə Rüstəmxanlının dediyi həmin 43 nəfər isə müstəqilliyin əleyhinə səs verənlərdir. Ona görə də tarixi saxtalaşdırmaq lazım deyil,” – deputat parlament çıxışı zamanı qeyd edib.

Novruzov bu fikirləri deputat Tənzilə Rüstəmxanlının əvvəlki bəyanatına cavab olaraq bildirib.

Parlamentdə məsələ ilə bağlı çıxış edən deputat Tənzilə Rüstəmxanlı isə Siyavuş Novruzovu keçmiş yüksək vəzifəli məmur Ramiz Mehdiyev haqqında zamanında danışmamaqda ittiham edib.

“Siyavuş Novruzov bu gün dövlətə xəyanətdə adı hallanan Ramiz Mehdiyev haqqında 10 il əvvəl çıxış etsəydi, elə bir söz deyərdi ki, bu gün tarixə keçmiş olardı,” –  Rüstəmxanlı bildirib.

1991-ci il oktyabrın 18-də Azərbaycan Ali Soveti “Azərbaycan Respublikasının Dövlət Müstəqilliyi haqqında Konstitusiya Aktı”nı qəbul edib. Rəsmi sənədlərə əsasən, aktın lehinə 360 deputatdan 258 nəfər səs verib, 43 nəfər isə ya əleyhinə səs verib, ya da bitərəf qalıb. Müzakirələrdə dəfələrlə bu rəqəmlərlə bağlı fərqli interpretasiyalar irəli sürülüb.

Gülnar Nazimqızı