Füzuliyə köçürülmüş 1100-dən çox şəxs məşğulluq proqramlarına cəlb olunub

Füzuliyə köçürülmüş sakinlərdən 1100-dən çox şəxs məşğulluq tədbirlərinə cəlb edilib. Bu barədə Əmək və Əhalinin Sosial Müdafiəsi Nazirliyi məlumat yayıb.

Nazirliyin məlumatına görə, Dövlət Məşğulluq Agentliyi tərəfindən həyata keçirilən proqramlar çərçivəsində 1102 nəfər artıq məşğulluq imkanlarına qoşulub.

“Hazırda daha bir qrup sakinin məşğulluğuna dəstək işləri davam etdirilir. Onların məşğulluq imkanları qiymətləndirilir və hansı proqramlara cəlb olunacaqları müəyyənləşdirilir,” –  nazirliyin açıqlamasında bildirilib.

Füzuli  2020-ci ildə 44 günlük müharibə nəticəsində Ermənistan işğalından azad olunub və “Böyük Qayıdış” proqramı çərçivəsində ilkin köçürülən bölgələrdən biri hesab olunur. Hökumət bu ərazilərdə dayanıqlı məskunlaşma və sosial-iqtisadi reinteqrasiya məqsədilə genişmiqyaslı bərpa və inkişaf layihələri həyata keçirir.

Aytac