“Sputnik Azərbaycan”ın həbsdə olan şef redaktoru 3 aylıq ev dustaqlığına buraxılıb

“Sputnik Azərbaycan” portalının şef redaktoru Yevgeni Belousov barəsində seçilmiş həbs-qətimkan tədbiri Xətai Rayon Məhkəməsinin qərarı ilə ev dustaqlığı ilə əvəz olunub.

Bu ilin iyulunda Belousov və portalın digər əməkdaşı İqor Kartavıx eyni məhkəmənin qərarı ilə dörd aylıq müddətə həbs edilmişdilər. Onlara qarşı dələduzluq, qanunsuz sahibkarlıq və cinayət yolu ilə əldə edilmiş əmlakı leqallaşdırma maddələri üzrə ittiham irəli sürülüb.

Oktyabr ayında Kartavıx barəsindəki həbs-qətimkan tədbiri də dəyişdirilərək ev dustaqlığı ilə əvəz olunmuş, bir neçə gün sonra o, azadlığa buraxılaraq Moskvaya qayıtmışdı.

“Sputnik Azərbaycan” Russiya hökumətinə məxsus “Rossiya Seqodnya” beynəlxalq media agentliyinin yerli bölməsidir. Son aylarda agentliyin Bakıdakı fəaliyyəti ilə bağlı istintaq araşdırmaları aparılır.

Aytac