Azərbaycanda ödəniş kartlarının sayı 21,4 milyonu keçib

Banklar və “Azərpoçt” MMC sistemləri üzrə 2025-ci ilin sentyabr ayının sonunda dövriyyədə olan ödəniş kartlarının sayı 239 min ədəd artaraq 21 milyon 368 minə çatıb. Bu, əvvəlki aya nisbətən artım, ötən ilin eyni dövrü ilə müqayisədə isə 13%-lik yüksəliş deməkdir. Bu barədə Mərkəzi Bankın aylıq bülletenində qeyd olunub. 

Debet kartlarının sayı 16% artıb, kredit kartlarının sayı isə 7% azalıb.

Kart sayındakı artım nağdsız ödənişlərin həcminin yüksəlməsinə təsir göstərib — ölkədaxili nağdsız əməliyyatlar ötən ilin eyni dövrü ilə müqayisədə 24% artıb.

Sentyabrda kartlar vasitəsilə həyata keçirilən ölkədaxili nağdsız ödənişlərin ümumi həcmi 8,9 milyard manat təşkil edib.

Bunun 7,8 milyard manatı elektron ticarətin, 1,1 milyard manatı POS-terminalların, təxminən 4 milyard manatı isə özünəxidmət terminalları və bankomatların payına düşüb.

İlin əvvəlindən etibarən ölkədaxili nağdsız əməliyyatların ümumi kart əməliyyatları içində payı 67,4% olub.

Banklar və “Azərpoçt”un ödəniş infrastrukturu üzrə də artım dinamikası müşahidə olunur. Keçən ilin sentyabr ayı ilə müqayisədə bankomatların sayı 8,8%, POS-terminalların sayı isə 56,5% artıb.

Gülnar Nazimqızı