Zəfər və Bayraq Günləri ilə əlaqədar Azərbaycanda 4 gün ardıcıl qeyri-iş günü olacaq

Bu həftəsonundan etibarən Zəfər Günü və Dövlət Bayrağı Günü ilə əlaqədar ardıcıl dörd gün iş olmayacaq.

Əmək Məcəlləsinə və Nazirlər Kabinetinin müvafiq qərarlarına əsasən, 8 noyabr Zəfər Günü, 9 noyabr isə Dövlət Bayrağı Günüdür. Hər iki tarix şənbə və bazar günlərinə təsadüf etdiyi üçün növbəti iki gün — noyabrın 10-u və 11-i də qeyri-iş günü elan olunub.

Noyabrın 12-si bayramlardan sonra ilk iş günü olacaq.

Noyabrın 12-də qeyd olunan Konstitusiya Günü və noyabrın 17-də qeyd ediləcək Milli Dirçəliş Günü isə iş günü hesab olunur.