Balıqçılıq və Akvakultura Mərkəzinə dövlət büdcəsindən vəsait ayrılıb

2025-ci ilin dövlət büdcəsində Azərbaycan Respublikasının Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidmətinə ayrılmış vəsait 1 milyon 384 min 537 manatdan 563 min 681 manata endirilib.

Bununla bağlı Prezident İlham Əliyevin imzaladığı Fərmanla “Azərbaycan Respublikasının 2025-ci il dövlət büdcəsi haqqında” Azərbaycan Respublikasının 2024-cü il 16 dekabr tarixli 93-VIIQ nömrəli Qanununun tətbiqi ilə bağlı bir sıra məsələlər barədə” Fərmana dəyişiklik edilib.

Fərmanla Kənd Təsərrüfatı Nazirliyinin tabeliyində “Balıqçılıq və Akvakultura Mərkəzi” publik hüquqi şəxsə ətraf mühitin mühafizəsi istiqaməti üzrə 820 min 856 manat, İqtisadi fəaliyyət istiqaməti üzrə 282 min 256 manat ayrılıb.