Üç uşaq analarına güzəştlər tətbiq edilməlidir- Deputat

Azərbaycanda uşaq artımının səviyyəsinin azalmasının qarşısını almaq üçün üç uşaq analarına əlavə güzəştlər verilməlidir. Bunu Milli Məclisin deputatı Hicran Hüseynova bildirib.

Onun sözlərinə görə, bu güzəştlər daha sistemli dəstək tədbirlərini əhatə etməlidir.

“Bu heç də o demək deyil ki, yalnız müavinət verilsin. Üç uşaq anaları üçün iş günü azaldılsın, əlavə mükafatlar və sosial stimullar tətbiq edilsin. Bu cür tədbirlər doğumun azalmasının qarşısını almağa kömək edə bilər,” — Hüseynova deyib.

Deputat qeyd edib ki, ailələrin sosial rifahının yaxşılaşdırılması və qadınların məşğulluq şəraitinin yüngülləşdirilməsi ölkədə demoqrafik sabitliyi təmin edən əsas amillərdəndir.

N. Təbrizli