Bakıda piyada keçidlərində eskalatorlar təmir olunur

Bakıda yeraltı və yerüstü piyada keçidlərində nasaz vəziyyətdə olan eskalatorların təmiri və bərpası işləri həyata keçirilir. 

Azərbaycan Avtomobil Yolları Dövlət Agentliyindən (AAYDA) "Report"a bildirilib ki, texniki baxışlar zamanı bir sıra keçidlərdə mexaniki nasazlıqlar və istismar müddəti bitmiş detallar aşkarlanıb.

Artıq bir neçə ərazidə təmir başa çatıb və avadanlıqlar yenidən vətəndaşların istifadəsinə verilib. Digər keçidlərdə mərhələli şəkildə işlər davam etdirilir.

Agentlik həmçinin 2025–2030-cu illəri əhatə edən nəqliyyat infrastrukturunun təkmilləşdirilməsi üzrə Dövlət Proqramı çərçivəsində bütün keçidlərdə eskalatorların texniki vəziyyətinin qiymətləndirilməsi və yenilənməsi üzrə monitorinqlər aparır.