Azərbaycanın Cəbrayıl rayonunda 220 sakin səyyar tibbi müayinədən keçirilib

Cəbrayılda keçirilən səyyar tibbi aksiyada 220-yə yaxın sakin müxtəlif ixtisaslar üzrə müayinədən keçirilib. Bu barədə məlumatı Səhiyyə Nazirliyi yayıb. 

Nazirliyin bildirdiyinə görə, aksiya çərçivəsində nevroloji, artroloji, dermatoloji, ginekoloji, fizioterapevtik və pediatrik reabilitasiya sahələri üzrə yoxlamalar aparılıb. Nevroloqlar tərəfindən EMQ (elektromioqrafiya) müayinələri də həyata keçirilib. Müayinələr zamanı səhhətində problem aşkarlanan şəxslərə tibbi tövsiyələr verilib və müvafiq müalicə təyin olunub.

2020-ci ildə Azərbaycanın nəzarətinə qayıdan Cəbrayıl rayonunda bu kimi səyyar səhiyyə aksiyaları dövlət tərəfindən bölgəyə sosial xidmətlərin genişləndirilməsi məqsədilə mütəmadi təşkil olunur. 

Aytac