Şirvanda silaht zavodunda istehsalat qəzası bir nəfərin ölümü ilə nəticələnib

Bu gün günorta saatlarında “Azərsilah” Müdafiə Sənayesi Holdinqinin tərkibində olan “Sənayecihaz” Elmi-İstehsalat Müəssisəsinin Şirvan şəhərində yerləşən zavodlarından birində istehsalat qəzası baş verib.

Müdafiə Sənayesi Nazirliyinin məlumatına görə, hadisə zamanı müəssisənin əməkdaşı Adil Balaş oğlu İsmayılov həlak olub.

Hadisənin səbəbləri ilə bağlı aidiyyəti qurumlar tərəfindən araşdırma aparılır.