Gəncədə ağaca çırpılan avtomobil yandı: ölən və yaralananlar var

Gəncədə ölümlə nəticələnən yol qəzası baş verib.ANN.Az-ın Fövqəladə Hallar Nazirliyinin (FHN) saytına istinadən verdiyi məlumata görə, Gəncə şəhəri, Nizami rayonunda vətəndaşa məxsus “Mercedes” markalı, minik avtomobili idarəetmədən çıxaraq yolun kənarındakı ağaca çırpılıb. Nəticədə avtomobilin mühərrik hissəsi yanıb. Avtomobilin qalan hissəsi yanğından mühafizə olunub. Qəza nəticəsində avtomobildə olan 3 sərnişin yanğınsöndürən-xilasedicilər tərəfindən, avtomobildə sıxılmış vəziyyətdə qalan sürücü, 1987-ci il təvəllüdlü Abbasov Rəşid Şahin oğlunun meyiti isə FHN-in Gəncə Regional Mərkəzinin Xüsusi Xilasetmə Hissəsinin xilasediciləri tərəfindən çıxarılaraq aidiyyəti üzrə təhvil verilib.ANN.Az