Azərbaycanda ilk dəfə autogen transplantasiya xidmətləri təqdim olunacaq

Azərbaycanda ilk dəfə olaraq myeloma və lenfoma xəstəlikləri ilə yanaşı, leykoz, immunçatışmazlıq, talassemiya və aplastik anemiya diaqnozu qoyulan pasiyentlərə autogen transplantasiya tətbiq olunacaq. Bunu Hematologiya və Sümük İliyi Transplantasiya Mərkəzinin şöbə müdiri Sevil Cəlilova bildirib.

O bildirib ki, transplantasiya prosesinin həyata keçirilməsi üçün xəstəxananın multidissiplinar struktura malik olması əsas şərtdir. 
 

“Buəməliyyatı keçən xəstələrin immun vəziyyəti kəskin zəiflədiyindən onların müxtəlif sahələr üzrə həkim konsultasiyasına və əlavə müalicələrə ehtiyacı yaranır.    ölkədə bütün bu tələbləri eyni anda təmin edən yeganə tibb müəssisəsi məhz bu xəstəxanadır. Yeni mərkəzin üstünlüyü ondan ibarətdir ki, mürəkkəb transplantasiya prosedurları üçün lazım olan bütün şöbələr və həkim komandaları bir arada fəaliyyət göstərir. Bu isə pasiyentlərin daha təhlükəsiz və effektiv müalicəsini təmin edəcək.

O əlavə edib ki, autogen transplantasiya prosesləri icbari tibbi sığorta çərçivəsində təqdim olunacaq və mərkəzin çoxmərkəzli imkanlarından geniş istifadə ediləcək.

Aytac Zeynalova