Partlayış baş verən plazanın sahibi- Binaya yeraltı qaz sızıb

Plazada qaz olmayıb. Bunu jurnalistlərə açıqlamasında "AFEN Plaza"nın sahibi Əbülfət Əliyev deyib.

O bildirib ki, ərazidə yol təmir işləri gedir:

"Ərazidə böyük, plasmas boru ilə magistral qaz xətti çəkilib. Burada işləyən traktorlar həmin xətti zədələdilər. Ondan sonra dedilər ki, oranı yamayıblar. Görünür ki, yaxşı yamamayıblar və binaya yeraltı qaz sızıb. Zirzəmiyə qaz toplanıb səhər işçi işığı yandıranda partlayış baş verib".

****

Nərimanovda obyektdə partlayış baş verməsi səbəbilə xəsarət alan 5 nəfər Kliniki Tibbi Mərkəzə hospitalizasiya olunub. Bu barədə TƏBİB-fən bildirilib.

Onlardan 1 nəfərə (kişi) termiki yanıq, 4 nəfərə isə (1-i kişi, 3-ü qadın) bədənin müxtəlif nahiyələrinin müştərək travmaları diaqnouz təyin olunub.

Hazırda pasiyentlərin müalicəsi tibb müəssisəsində davam etdirilir. Vəziyyətləri orta ağır olaraq qiymətləndirilir.

***

Nərimanovda Əhməd Rəcəbli küçəsindəki partlayışda 5 nəfərə (2-si kişi, 3-ü qadın olmaqla) yerində ilkin tibbi yardım göstərilib və onlar müştərək travmalarla ilə Kliniki Tibbi Mərkəzə hospitalizasiya olunub.  Bu barədə TƏBİB-dən bildirilrib.

Əraziyə 2 təcili tibbi yardım briqadası çağırış ünvanına cəlb olunub. 

****

Paytaxtın Nərimanov rayonunda bu gün saat 09:00 radələrində partlayış baş verib. İlkin məlumata görə, hadisə Əhməd Rəcəbli küçəsində yerləşən plazalardan birində qeydə alınıb.

Hadisə yerinə təcili tibbi yardım briqadaları və Fövqəladə Hallar Nazirliyinin (FHN) xilasediciləri cəlb edilib.

FHN bildirib ki, qurumun 112 qaynar xəttinə obyekt ərazisində partlayışla bağlı məlumat daxil olub. Məlumatdan dərhal sonra əraziyə Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzi göndərilib.

Hadisənin səbəbləri araşdırılır. FHN əlavə məlumatın veriləcəyini açıqlayıb.

Aytac Zeynalova