Kənan Kərimzadə: Son iki ildə 10 400 xarici dil müəllimi sertifikatlaşdırılıb

Son iki ildə Elm və Təhsil Nazirliyi təxminən 10 400 xarici dil müəlliminin sertifikatlaşdırılmasını həyata keçirib. Bunu elm və təhsil nazirinin müavini Kənan Kərimzadə deyib.

 "Bu müəllimlərin 86%-i çox böyük uğurla bu imtahanlardan keçiblər. Təqribən 40% müəllimin əməkhaqqısı 35% artıb, 45% müəllimin əməkhaqqısı isə 10% əlavə köçürülüb. Təhsildə ingilis dili ilə bağlı miqyas problemimiz yoxdur. Keyfiyyətlə bağlı müəyyən problemlər olsa da, lakin hesab edirik ki, gələcək dövrlərdə bu yöndə tədbirlərimizi daha da gücləndirəcəyik",-müavin bp və tərəfdaşlarının “Məktəblilər üçün yeni rəqəmsal ingilis dili öyrənmə mənbəyi” layihəsinin təqdimatında çıxışı zamanı deyib.

Nazir müavini əlavə edib ki, son 3 ildə hər il 500 ən işıqlı gənc dünyanın ən nüfuzlu universitetlərinə göndərilir.

"Tərəfimizdən 3 il ard-arda hər il həmin gənclərdən 150-si məhz dünyanın TOP-10 universitetlərinə qəbul olur", -Kərimzadə vurğulayıb.

Aytac Zeynalova