Ədliyyə Nazirliyi Penitensiar xidmətdə ciddi pozuntulara görə iki əməkdaşı işdən azad edib

Ədliyyə Nazirliyinin Penitensiar xidmətində aparılan daxili araşdırmalar nəticəsində xidməti vəzifələrin icrası zamanı kobud pozuntulara yol verdikləri müəyyən olunan iki vəzifəli şəxs — Daxili təhqiqat şöbəsinin rəisi Fəqan Yaqubov və ədliyyə orqanlarının sərəncamında olan Altay Abdullayev ədliyyə orqanlarından xaric edilərək xidmətlərinə xitam verilib.  Bu barədə qərar Ədliyyə naziri Fərid Əhmədovun imzaladığı əmr əsasında qəbul edilib.

Nazirlikdən bildirilib ki, məsuliyyətsiz xidmət fəaliyyəti, vəzifə öhdəliklərinin yerinə yetirilməməsi və digər ciddi nöqsanlara görə Penitensiar xidmətin bir qrup əməkdaşı barəsində də intizam tənbehi tədbirləri tətbiq olunub.