Deputat inanır ki, gələcəyin peşələri ailələr və məktəblərdə geniş müzakirəyə çıxarılacaq

Sürətlə dəyişən qlobal mühit karyera seçimində daha dəqiq və məqsədyönlü qərarların qəbul edilməsini tələb edir.

 Bunu Milli Məclisin deputatı Musa Quliyev “gələcəyin peşələri” mövzusunda çıxışı zamanı bildirib.

Onun sözlərinə görə, yeni texnologiyalar bir çox ənənəvi peşələri sıradan çıxarır, eyni zamanda əmək bazarında tamamilə yeni ixtisaslar yaradır.

 Quliyev qeyd edib ki, süni intellektin təsiri “dördüncü sənaye inqilabının çərçivələrini belə aşan dəyişikliklər yaradıb”.

Deputat vurğulayıb ki, rəqəmsal texnologiyalar artıq peşə anlayışını əsaslı şəkildə yenidən formalaşdırır və gənclərin düzgün yönləndirilməsi üçün ailələrin və məktəblərin daha fəal iştirakı vacibdir.

Quliyev bildirib ki, “Gələcəyin Peşəsi” platformasının qısa zamanda ailələrdə və təhsil müəssisələrində geniş müzakirə mövzusuna çevriləcəyinə inanır.

 Deputat çıxışını “gələcəyimizə xoş gəlmisiniz” sözləri ilə yekunlaşdırıb.

Gülnar Nazimqızı