Gültəkin Hacıbəyli Türkiyədə saxlanılıb

Sabiq millət vəkili və Milli Şuranın üzvü Gültəkin Hacıbəyli Türkiyədə saxlanılıb. Bu barədə o, sosial şəbəkə hesabında məlumat yayıb.

Hacıbəyli bildirib ki, İstanbulda polis idarəsinə aparılıb və böyük ehtimalla Azərbaycana deportasiya ediləcək.

“İndicə oğlumla birlikdə İstanbulda kirayədə yaşadığım evin qapısını döydülər. Polis gəlib məni saxladı və həbsxanaya aparırlar. Heç bir səbəb göstərilməyib. Türkiyəyə 25 sentyabrda gəlmişəm, üç aylıq qalma müddətim bitməyib, üstəlik iki illik oturma iznim var”, – o yazıb.