Azərbaycanda İİV-ə yoluxanların 70%-i kişilərdir

Azərbaycanda ilk İİV halı 1987-ci ildə qeydə alınıb və 2025-ci ilin üçüncü rübünün sonunadək ümumilikdə 11 260 nəfər rəsmi qeydiyyata alınıb. Onların 70%-i kişi, 30%-i qadınlardır. Bunu Səhiyyə Nazirliyi Respublika QİÇS-lə Mübarizə Mərkəzinin direktoru Famil Məmmədov deyib.

Onun sözlərinə görə, Azərbaycan Şərqi Avropa və Mərkəzi Asiyada İİV yayılma göstəricisi ən aşağı olan ölkələrdən biridir.

Məmmədov bildirib ki, ölkədə İİV-in aşkarlanması 10 regional laboratoriyada və anonimlik prinsipi ilə aparılır; risk qrupları üçün səyyar və stasionar müayinə xidmətləri mövcuddur.

Məmmədovun sözlərinə görə, İİV-infeksiyasının son mərhələsi olan QİÇS immun sisteminin ağır zədələnməsi ilə müşayiət olunur. O deyib ki, Antiretrovirus Terapiyası (ART) sayəsində İİV artıq idarəolunan xroniki xəstəlik hesab olunur və Azərbaycanda müalicə ÜST protokollarına əsasən ödənişsiz təqdim edilir.

Hazırda 10 mindən çox xəstə müalicə proqramı çərçivəsində nəzarətdədir.

Gülnar