Əli Kərimli həbs olunub - Yenilənib

Xalq Cəbhəsi Partiyasının (AXCP) sədri Əli Kərimli barəsində Səbail Rayon Məhkəməsinin qərarı ilə 2 ay 15 gün müddətinə həbs qətimkan tədbiri seçilib. Bu barədə onun vəkili anews.az-a açıqlamasında deyib. 

Vəkil bildirib ki, məhkəmə onun fevralın 12-nə kimi həbsdə qalması ilə bağlı qərar qəbul edib. 

13:07

Hazırda Azərbaycan Xalq Cəbhəsi Partiyasının (AXCP) sədri Əli Kərimli Səbail Rayon Məhkəməsinə gətirilib. 

Onun bu dəqiqələrdə məhkəməyə çıxarılacağı gözlənilir. 

Azərbaycan Xalq Cəbhəsi Partiyasının (AXCP) sədri Əli Kərimliyə Cinayət Məcəlləsinin 278.1-ci (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ittiham irəli sürülüb. 

Bir gün əvvəl DÖvlət Təhlükəsizlik Xidməti Kərimlinin evində aparılan axtarış zamanı müxtəlif sənədlər və materiallar götürüb. 

Aytac Zeynalova