Azərbaycana Aİ-95 benzin idxalı 2025-ci ilin 9 ayında 88% artıb

2025-ci ilin doqquz ayında  Azərbaycana 105 309 ton Aİ-95 markalı avtomobil benzini idxal olunub, dəyəri 89,7 milyon ABŞ dollarına çatıb. Bu, ötən ilin eyni dövrü ilə müqayisədə həcm üzrə 88,8% (49,5 min ton), dəyər ifadəsində isə 66,9% (36,9 milyon dollar) artımı göstərir. Bu barədə Dövlət Statistika Komitəsindən bildirilib. 

Benzin əsasən Rusiyadan (69,4 min ton), Belarusdan (12 min ton), Rumıniyadan (11,7 min ton), BƏƏ-dən (9,3 min ton), Gürcüstandan (1,5 min ton) və Bolqarıstandan (1,4 min ton) idxal edilib. Eyni dövrdə ölkədə 1,081 milyon ton avtomobil benzini istehsal olunub.

Artım əsasən daxili tələbatın yüksəlməsi və idxal marşrutlarının diversifikasiyası ilə bağlıdır.

Aytac