Könül Vəlibəylinin qızı komadan ayılıb

Yasamal rayonunda noyabrın 21-də yaşayış binasında baş vermiş yanğında xəsarət alan 23 yaşlı Ləman Qulamovanın vəziyyəti ağır stabil olaraq qalır. Bu barədə APA-nın sorğusuna Yeni Klinikadan məlumat verilib.

Klinikanın açıqlamasına görə, pasiyent koma vəziyyətindən çıxıb, süni tənəffüs aparatından ayrılıb və huşu açıqdır. Bununla belə, yüksək axımlı oksigen müalicəsi ilə tənəffüs dəstəyi davam etdirilir.

Həkimlər bildiriblər ki, xəstənin tənəffüs patterni tam normallaşmadığından reanimasiya şəraitində intensiv müayinə və müalicə tədbirləri planlı şəkildə davam etdirilir.

Baş verən qəzada Milli Geyim evinin rəhbəri Könül Vəlibəyli həlak olub.