Baş Prokurorluq vətəndaşlara xəbərdarlıq edib - Bu şəxslərdən özünüzü qoruyun!

Baş Prokurorluq vətəndaşları adlarına saxta sahibkarlıq subyektlərinin qeydiyyatdan keçirilməsi halları barədə xəbərdar edib.

Müraciətdə yüzlərlə vətəndaşın etibarından sui-istifadə edilərək onların adına belə subyektlərin yaradıldığı bildirilib.

Prokurorluq qeyd edib ki, “yalançı sahibkarlıq” subyektlərindən törədilmiş əməliyyatlar dövlət büdcəsinə böyük zərər vurub. Cinayət məsuliyyəti həm qanunsuz sxemlərdə iştirak edən şəxslərə, həm də onlara şərait yaradan vəzifəli şəxslərə aiddir.

Vətəndaşlara tövsiyə edilib ki, şəxsiyyət məlumatlarını tanımadıqları şəxslərə verməsinlər və şübhəli hallarla qarşılaşdıqda dərhal hüquq-mühafizə orqanlarına məlumat versinlər.