Lökbatandakı yanğınla bağlı cinayət işi açılıb

Lökbatan qəsəbəsində yerləşən “Qobu Park-1” yaşayış massivində baş vermiş yanğın nəticəsində 4 nəfərin həlak olması ilə bağlı cinayət işi başlanıb.

Baş Prokurorluğun məlumatına görə, iş Azərbaycan Respublikasının Cinayət Məcəlləsinin 124.2 (ehtiyatsızlıqdan iki və daha çox adamı öldürmə) və 225.3-cü (yanğın təhlükəsizliyi qaydalarını pozma, ehtiyatsızlıqdan iki və daha çox şəxsin ölümünə səbəb olma) maddələri ilə açılıb. İbtidai istintaq Baş Prokurorluğun Kriminalistika və informasiya texnologiyaları idarəsinə həvalə olunub.

Hadisə yerinə baxış keçirilib, maddi sübutlar toplanıb və müvafiq ekspertizalar aparılıb. Araşdırmada Fövqəladə Hallar Nazirliyi əməkdaşları və digər aidiyyəti dövlət qurumları iştirak edib.