Bu ilin on bir ayında vətəndaşlara 86 milyondan çox tibbi xidmət göstərilib

2025-ci ilin on bir ayında 5,13 milyon nəfər dövlət tibb müəssisələrində icbari tibbi sığortadan faydalanıb və onlara 86 milyon-dan çox tibbi xidmət göstərilib. Bunu İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqələr departamentinin rəhbəri Aynurə Əhmədova jurnalistlər üçün təşkil olunan təlimdə deyib.

Ötən ilin eyni dövrü ilə müqayisədə müraciətlər 4%, göstərilən tibbi xidmətlərin sayı isə 12% artıb.

 Agentlik rəsmisi bu artımı tibbi xidmətlərə çıxışın genişlənməsi və icbari tibbi sığorta sisteminə inamın yüksəlməsi ilə izah edir.

Gülnar Nazimqızı