Zərdabinin heykəli restoranın qapıçısı kimi görünür - Yazıçı Anardan təklif

İçərişəhərdəki Milli Ensiklopediyanın keçmiş binasının birinci mərtəbəsində restoran fəaliyyət göstərir və binanın qarşısında Azərbaycan maarifçi və jurnalisti Həsən bəy Zərdabinin heykəli yerləşir.

Azərbaycan Yazıçılar Birliyinin sədri, Xalq yazıçısı Anar Rzayev “Azərbaycan dilinin dövlət dili kimi inkişaf strategiyası: Mövcud vəziyyət və perspektivlər” konfransında çıxışı zamanı bildirib ki, hazırda heykəl sanki restoranın qapıçısı kimi görünür və onun Pedaqoji Universitetin bağına köçürülməsi məqsədəuyğun olardı.

Rzayevin fikrincə, bu addım həm mədəni irsin qorunmasına, həm də heykəlin dəyərinin artırılmasına xidmət edə bilər.

Gülnar Nazimqızı