Bakı 3+3 regional əməkdaşlıq formatı çərçivəsində növbəti toplantıya ev sahibliyi etməyə hazırdır- Nazir

Hazırda keçirilən görüş 3+3 format üzrə dördüncü toplantıdır və ilk dəfədir ki, tədbir Azərbaycan tərəfindən təşkil olunur. Bunu Azərbaycan xarici işlər naziri Ceyhun Bayramov bildirib.

O xatırladıb ki, Azərbaycan 2021-ci ildə Ankarada keçirilən görüşdə növbəti mərhələnin Bakıda keçirilməsini təklif etmişdi, lakin həmin vaxt razılıq əldə olunmamışdı.

Nazir qeyd edib ki, regionda vəziyyət dəyişib və Ermənistanla Azərbaycan nümayəndə heyətləri artıq birbaşa dialoqda iştirak edirlər. O, Ermənistan nümayəndə heyətinin bu yaxınlarda Qaradağa səfərini və hər iki ölkənin baş nazirlərinin müavinlərinin iştirakı ilə üçtərəfli komissiyanın görüşünü buna misal göstərib.

Bayramov vurğulayıb ki, 3+3 formatının məqsədi yalnız Ermənistan–Azərbaycan münasibətlərini müzakirə etmək deyil, platformada təmsil olunan bütün ölkələri maraqlandıran mövzuları əhatə etməkdir. Onun sözlərinə görə, Azərbaycanın daha əvvəl verdiyi ev sahibliyi təklifi qüvvədə qalır və buna etiraz üçün səbəb yoxdur.

Aytac Zeynalova