Azərbaycan 2028-ci ilə qədər süni intellekt üçün normativ baza və texniki standartlar hazırlayır

Azərbaycan 2028-ci ilə qədər süni intellektin (Sİ) tətbiqi və idarə olunmasına dair xüsusi proqramlar, normativ tənzimləmələr və texniki standartlar hazırlayır. Bunu Rəqəmsal İnkişaf və Nəqliyyat Nazirliyinin müavini Saməddin Əsədov  Milli Məclisin Təbbi ehtiyatlar, energetika və ekologiya komitəsinin “İqlim dəyişikliyi ilə mübarizədə süni intellektin rolu” mövzusunda keçirilən elmi-praktik konfransda bildirib.

Əsədovun sözlərinə görə, Sİ ekosistemi dörd əsas mərhələdən ibarətdir: idarəetmə çərçivəsinin qurulması, məlumatın keyfiyyətinin artırılması, insan resurslarının hazırlanması və geniş tətbiq mərhələsi. O bildirib ki, hazırda dünyada təxminən 50 ölkənin Sİ strategiyası mövcuddur və onların hamısında ən kritik məsələ məlumatın mövcudluğu və düzgün işlənməsidir.

Nazir müavini qeyd edib ki, süni intellektin inkişafı üçün güclü infrastruktur və böyük həcmli data tələb olunur, lakin prosesin 70 faizi insan amilindən asılıdır — xüsusən də bu sistemləri idarə və təkmilləşdirə biləcək mütəxəssislərdən.

O əlavə edib ki, Azərbaycan Sİ üzrə milli strategiyanın icrası üçün hüquqi baza, texniki standartlar və təhlükəsizlik tələbləri üzərində paralel işləyir.

Gülnar Nazimqızı