Azərbaycanda yeni metodik xidmət modeli qurulur

Azərbaycanda yeni metodik xidmət modeli qurulur. Bunu Təhsil İnstitutunun direktoru səlahiyyətlərini müvəqqəti icra edən, Elm və Təhsil Nazirinin müşaviri Elnur Əliyev deyib.

"Azərbaycanda müasir metodik xidmətin yaradılması ilə bağlı aparılan müzakirələr və islahatlar son vaxtlar həm mediada, həm də müəllim ictimaiyyətində geniş gündəmdədir. Yeni metodik dəstək mexanizminin mahiyyəti və əvvəlki sistemdən fərqləridir. Bu məsələ 2022–2026-cı illər üzrə Sosial-İqtisadi İnkişaf Strategiyasında xüsusi yer tutur. Strategiyanın əsas hədəflərindən biri ölkədə insan kapitalının inkişafıdır və bu çərçivədə Elm və Təhsil Nazirliyinin qarşısına müasir metodik xidmət sisteminin qurulması vəzifəsi qoyulub. Nazirlik tərəfindən aparılan qiymətləndirmələr göstərib ki, uzun illər fəaliyyət göstərən metodik kabinetlər müasir Azərbaycan məktəbinin ehtiyaclarına cavab vermir. Araşdırmalar zamanı ölkənin bütün rayonlarında metodik kabinetlər ziyarət olunub, metodistlərlə görüşlər keçirilib. Nəticələrə əsasən məlum olub ki, mövcud kabinetlərdə cəmi 3–5 nəfərlik heyət çoxsaylı məktəbləri metodiki baxımdan dəstəkləməyə çalışırdı. Bir çox hallarda kabinet əməkdaşları məktəblərə real metodik yardım göstərməyə hazır deyildi. Model müasir təlim strategiyalarını məktəblərə ötürmək üçün yetərli mexanizmə malik deyildi",- o vurğulayıb

Müşavir bildirib ki, məktəblərdə fəaliyyət göstərən və ictimai əsaslarla çalışan “fənn metodbirləşmə rəhbərləri” də yeni sistemin ehtiyaclarını tam qarşılamırdı. Çox vaxt bu vəzifəyə müəllimlər könüllü şəkildə yox, “bu il sən götür” prinsipi ilə seçilir, fəaliyyət isə kəndarlıqla yerinə yetirilirdi. 

"Şəxsi müşahidələrə əsaslanan nümunələrə görə, metodbirləşmə rəhbərləri dərs yükü yüksək olduğu üçün metodik işə ciddi vaxt ayıra bilmir, bu isə məktəblərin peşəkar dəstək ehtiyacını təmin etmirdi.Hazırda yeni model üzrə işlər davam etdirilir və növbəti mərhələdə onun tətbiq mexanizmləri ictimaiyyətə təqdim olunacaq",- o əlavə edib.

Aytac