Bakı metrosu "Qarabağ"ın oyunu ilə əlaqədar gücləndirilmiş rejimdə işləyəcək

“Qarabağ” FK-nın UEFA Çempionlar Liqası matçı ilə əlaqədar Bakı Metropoliteni dekabrın 10-dan 11-nə keçən gecə iş rejimini uzadaraq bütün stansiyaları saat 01:00-a qədər açıq saxlayacaq. Bu barədə qurumdan bildirilib. 

Qurum bildirir ki, azarkeş axınının idarə olunması üçün “Gənclik”, “Nərimanov” və “28 May” stansiyalarında nəzarət gücləndiriləcək və əlavə personal yerləşdiriləcək. Zərurət yaranacağı halda ehtiyat qatarlar xəttə buraxılmaq üçün hazır vəziyyətdə saxlanılacaq.