Lerikdə avtomobil dərəyə aşıb - ölən var

Lerikdə yol kənarında dayandırılmış avtomobilin naməlum səbəbdən hərəkətə gəlməsi nəticəsində 1 nəfər həlak olub. Bu barədə yerli media məlumat yayıb. 

Hadisə axşam saatlarında Dico kəndi ərazisində baş verib. İlkin məlumata görə, “Niva” markalı avtomobili idarə edən Akif Ağacanov maşını saxlayaraq düşdükdən bir neçə dəqiqə sonra nəqliyyat vasitəsi özü hərəkətə gəlib və dərəyə yuvarlanıb.

Qəza zamanı avtomobildə sərnişin olan sürücünün bacısı, 1973-cü il təvəllüdlü Yeganə Ağacanova, aldığı xəsarətlərdən hadisə yerində ölüb.

Meyit Məhkəmə Tibbi Ekspertiza Birliyinin Lənkəran zona mərkəzinə təhvil verilib. Hadisə ilə bağlı araşdırma aparılır.