Azərbaycanda işləyən vətəndaşların 64%-i əmək müqaviləsi olmadan çalışır – deputat

Hazırda  4,9 milyon əmək qabiliyyətli vətəndaşın 64%-i əmək müqaviləsi olmadan çalışır. Bu barədə Milli Məclisin deputatı Vüqar Bayramov bildirib.

"Ölkədə əmək müqaviləsi ilə işləyənlərin sayı 1 milyon 781 min nəfərdir. Onlardan 863,2 min nəfəri dövlət, 918,2 min nəfəri isə özəl sektorda fəaliyyət göstərir. Əmək qabiliyyətli vətəndaşların ümumi sayı 5 milyon 195 mindir, onlardan 4 milyon 900 mini iqtisadiyyatda aktiv iştirak edir. İqtisadiyyatda fəal olan vətəndaşların cəmi 36,3%-i əmək müqaviləsi ilə işləyir, qalan 64%-i isə rəsmi müqaviləsiz fəaliyyət göstərir. Bu isə o deməkdir ki, işləyən hər 100 vətəndaşdan 64-ü qanuni əmək hüquqlarından tam istifadə etmir", - deputat Milli Məclisin Əmək və sosial siyasət komitəsinin bu gün keçirilən iclasında Əmək Məcəlləsində dəyişikliyin müzakirəsi zamanı deyib. 

Gülnar Nazimqızı