Azərbaycanda generalın oğlu həbs edilib

Dövlət Gömrük Komitəsinin əməkdaşı Fərid Usubov, Xüsusi Dövlət Mühafizə Xidməti rəisinin müavini olmuş general-leytenant Cəbrayıl Usubovun oğlu, Baş Prokurorluq Yanında Korrupsiyaya Qarşı Mübarizə Baş İdarəsi tərəfindən həbs edilib. Bu barədə Gununsesi saytı məlumat yayıb. 

Usubov Dövlət Gömrük Komitəsinin Dəniz Nəqliyyatı və Enerji Resursları Baş Gömrük İdarəsinin Liman Məntəqəsinin rəisi vəzifəsində çalışıb.

Baş Prokurorluğun Mətbuat xidmətindən fakt təsdiqlənib və bildirilib ki, sözügedən şəxs barəsində həbs qətimkan tədbiri seçilib. Cinayət işi barədə əlavə məlumat yaxın günlərdə təqdim olunacaq.