Xankəndidə terror planlaşdırmaqda ittiham olunan Avanesyanın məhkəməsi başlayıb

Xankəndidə terrorçuluq və digər xüsusilə ağır cinayətlər törətməkdə təqsirləndirilən Karen Avanesyan barəsində cinayət işi üzrə məhkəmə iclası başlayıb. 

Gəncə Ağır Cinayətlər Məhkəməsində hakim İlkin İbişovun sədrliyi ilə keçirilən ilk iclasda təqsirləndirilənin anket məlumatları dəqiqləşdirilib. Avanesyan qanuna uyğun olaraq tərcüməçi və vəkillə təmin olunub, ona hüquq və vəzifələri elan edilib.

Tərəflərin razılığı ilə iş məhkəmə baxışına verilib.

Baş Prokurorluğun məlumatına görə, 14 sentyabr 2025-ci ildə Xankəndi şəhəri ərazisində odlu silah və döyüş sursatından istifadə etməklə partlayışla nəticələnən terrorçuluq, habelə iki və daha çox polis əməkdaşını qəsdən öldürməyə cəhd faktları üzrə cinayət işi başlanılıb. Araşdırma Avanesyanın bu cinayətlərin törədilməsində əsaslı şübhələr yaratdığını müəyyən edib.

O, CM-nin 29,120.2.3; 29,120.2.4; 29,120.2.7; 29,120.2.11; 214.2.3; 228.1 və 315-ci maddələri ilə təqsirləndirilir. Xankəndi şəhər məhkəməsinin qərarı ilə onun barəsində həbs qətimkan tədbiri seçilib.

N.Təbrizli