Rafael Hüseynov VHP-dən istefa verəcəyi gözlənilir

Milli Məclis sədrinin müavini və Vətəndaş Həmrəyliyi Partiyasının (VHP) üzvü Rafael Hüseynov partiyadan istefa vermək qərarına gəlib. Bu barədə məlumatı  Modern.az yayıb. 

Mənbənin bildirdiyinə görə, deputatın istefa ərizəsini bu gün rəsmən təqdim edəcəyi gözlənilir. Addımın həm partiya daxilində, həm də parlamentdə müəyyən dəyişikliklərə yol açacağı ehtimal olunur.

İstefa qərarı VHP tərəfindən ona verilmiş töhmətdən bir gün sonra gəlib. Partiya Hüseynovu Milli Məclisdə keçirilən konfransda VHP sədri Sabir Rüstəmxanlının çıxışını yarımçıq kəsməkdə günahlandırmışdı.

VHP Mərkəzi Nəzarət-Təftiş Komissiyasının açıqlamasına görə, məsələ ilə bağlı rayon təşkilatlarından və fəallardan daxil olan şikayətlər müzakirə edilib. Komissiya bildirib ki, deputatın iclasdakı aparıcılıq səlahiyyətlərindən sui-istifadə etməsi “nə etik, nə də siyasi baxımdan yolverilməz” hesab olunur. Nəticədə partiya nizamnaməsinin 9.2-ci maddəsinə əsasən Hüseynova töhmət elan edilib.

Gülnar