Azərbaycana qış fəsili dekabrın 21-də daxil olacaq

2025-ci ildə qış fəsli Azərbaycana dekabrın 21-i saat 19:03:01-də daxil olacaq. Bakı Dövlət Universitetinin Fizika fakültəsi, Astrofizika kafedrasından  verilən məlumata görə, bu tarixdən etibarən Şimal yarımkürəsində qış, Cənub yarımkürəsində isə yay fəsli başlayacaq.

Astronomik hadisə zamanı Yerin fırlanma oxu Günəş istiqaməti ilə ən böyük bucaq əmələ gətirir, nəticədə həmin gün Günəş günorta üfüqdən minimum hündürlükdə — 26⁰.2 görünəcək. Bu səbəbdən gündüzün uzunluğu 9 saat 17 dəqiqə 22 saniyə, gecənin uzunluğu isə 14 saat 42 dəqiqə 38 saniyə olacaq.

Qış fəslinin müddəti 88 gün, 23 saat, 42 dəqiqə 52 saniyə təşkil edəcək və bu dövrdə ən qısa gündüz və ən uzun gecə müşahidə olunacaq.