Zərurət yaranarsa Bakıda "Rus evi" açıla bilər - Deputat

Əgər zərurət yaranarsa Bakıda "Rus evi" açıla bilər. Bunu anews.az-a açıqlamasında deputat Siyavuş Növruzov deyib. 

Bu gün Rusiya Xarici İşlər Nazirliyinin MDB ölkələri üzrə dördüncü departamentinin direktoru Mixail Kaluqin bildirib ki, Rusiya Bakıda “Rus evi”nin fəaliyyətinin bərpası üçün Azərbaycan tərəfi ilə təmasları davam etdirir. 

"Bu məsələ hələlik qapalıdır. Vaxtı ilə Rus evi fəaliyyət göstərib. Əgər zərurət yaranarsa rus evi açıla bilər", - deputat bildirib. 

Deputat Elçin Mirzəbəyli isə bildirib ki, Bakıda rus evinin açılmasına ehtiyac yoxdur.

"Bakıda rus evinin açılmasına ehtiyac yoxdur. Azərbaycanda rus diasporu var. Bu diasporun da mədəniyyət evi var. Başqa bir mədəniyyət evinin açılmasına ehtiyac yoxdur", - Mirzəbəyli bildirib. 

Azərbaycan hökuməti 3 fevral 2025‑ci il tarixində Rusiya tərəfinə rəsmi nota verərək “Rus Evi”nin (Rossotrudnichestvo – Rusiya İnformasiya və Mədəniyyət Mərkəzi) fəaliyyətinə xitam verilməsi barədə məlumat verib.

Bundan sonra obyektin binasında lövhələr və yazılar sökülüb, işçilər isə fəaliyyətini dayandıraraq binanı boşaldıblar.

Gülnar Nazimqızı