"MTV" kanalında boşanma inkişaf kimi göstərildiyi üçün kanala xəbərdarlıq edilib

Azərbaycan Respublikası Audiovizual Şurası “MTV” kanalının efirində yayımlanan “Xoş sabah” proqramında ailə və boşanma ilə bağlı səsləndirilən fikirləri qanunvericiliyin məqsəd və ruhuna zidd qiymətləndirərək kanala ciddi xəbərdarlıq edib.

Şuranın onlayn iclasında bildirilib ki, 28 noyabr 2025-ci il tarixində yayımlanan proqramda boşanmanın “inkişaf” kimi təqdim edilməsi, digər tərəfdən isə bunun “əxlaqsızlıq” adlandırılması, həmçinin aparıcının bu fikirlərə redaksiya müdaxiləsi etməməsi qanun pozuntusu kimi qeydə alınıb.

Audiovizual Şura vurğulayıb ki, boşanma hüquqi baxımdan mümkün olsa da, ailə Konstitusiyaya əsasən cəmiyyətin əsas özəyidir və dövlətin himayəsindədir. Şuranın qiymətləndirməsinə görə, yayımdakı mesajlar Ailə Məcəlləsi, eləcə də “Media haqqında” və “Uşaqların zərərli informasiyadan qorunması haqqında” qanunların müddəalarına ziddir.

Qurum yayımçıları redaksiya nəzarətini gücləndirməyə, ictimai dəyərlərə hörmət etməyə və xüsusilə ailə, nikah və uşaq mövzularında daha diqqətli olmağa çağırıb.

Aytac