Bakıda 65 məktəbdə peşə təmayüllü siniflər fəaliyyət göstərir

Bakı Şəhəri üzrə Təhsil İdarəsinin tabeliyindəki 65 məktəbdə “Peşə təmayüllü siniflərin təşkili” layihəsi tətbiq olunur. Bu barədə qurumdan bildirilib. 

Layihənin əsas məqsədi şagirdlərin ümumi təhsil bazasında müxtəlif peşələr üzrə ilkin bilik və bacarıqlara yiyələnməsini təmin etmək, peşə ixtisasları barədə məlumatlandırmaq və onları əmək bazarına, həmçinin peşə təhsilinə hazırlamaqdır.

Elm və Təhsil Nazirliyinin 2024-2025-ci tədris ilinə dair hesabatında qeyd olunub ki, 2025–2026-cı tədris ilində peşə təmayüllü siniflər daha 89 ümumi təhsil müəssisəsində tətbiq olunacaq. 

Hazırda Azərbaycanda 196 məktəbdə 4 min şagird peşə təmaüllü sinifdə oxuyur.

Gülnar