Prezidentin sərəncamı 75 min ailəni əhatə edəcək - Rəsmi

Prezident İlham Əliyevin Sərəncamına əsasən, 2025-ci il dekabrın 30-na ünvanlı sosial yardım alan 76 min ailə (335 200 nəfər) hər birinə 200 manat məbləğində birdəfəlik maddi yardım alacaq. Yardım bayram ərəfəsində ailələrin maddi təminatına dəstək məqsədini daşıyır.

Əmək və Əhalinin Sosial Müdafiəsi Nazirliyi yardımı ünvanlı sosial yardım alan ailələrin hesablarına köçürəcək. Sərəncamın icrası üçün dövlət büdcəsindən Nazirlik üçün 15,3 milyon manat vəsait ayrılıb.

Ünvanlı sosial yardım proqramı aztəminatlı ailələrin sosial müdafiəsində mühüm rol oynayır. 2018-2025-ci illər ərzində hər ailəyə düşən orta aylıq yardım 2,4 dəfə artaraq 425 manata çatıb.

Ehtiyac meyarı isə 2,2 dəfə artırılaraq 285 manata yüksəlib və növbəti ildə 300 manata çatdırılması planlaşdırılır.

Nazirlər Kabineti və Maliyyə Nazirliyi Sərəncamdan irəli gələn məsələlərin həllinə cavabdehdir.

Gülnar